影片
更多
2020-04-06
59 浏览
好耐無食日本嘢，最近疫情咁緊張，想食得安心又舒服，食Omakase係一個好選擇！A小姐之前大力推介佢去尖沙咀有間開咗冇幾耐嘅「豐」，就趁今日去試下！之前食過有啲Omakase好日式小店feel，座位比較貼，但係呢間餐廳地方地方好寬闊，坐位亦都比較闊落，裝修設計乾淨明亮，一入舖頭已經有位Michael師傅好禮貌咁招待，感覺窩心！要食當然就食最好，我哋揀咗最靚嘅套餐，趁師傅準備食物嘅時候亦都周圍睇吓店舖嘅格局。店舖吧枱L字型，有十多個座位，簡約嘅設計配上一個大螢幕不停播放日本靚靚嘅風景，真心想而家就飛過去！店舖一角放咗個大魚缸養住大大隻嘅生蠔、象拔蚌、蝦等，我一陣就要食你哋啦！返埋座位， Michael師傅已經準備好薑片， Wasabi，同醃蘿蔔在客人前方，第一碟美食已放喺你面前：鱆紅魚薄切刺身- 刺身上灑上少許柚子皮，顏色悅目之外，帶來淡淡的柚子清香，配以酸汁，令人胃口大開！轉眼Michael師傅介紹第二道菜，小心呀：用長刀一下拍打落長長嘅象拔蚌度，象拔蚌即刻彈起，新鮮度十足，一拖一切，象拔蚌刺身就完成了，放上精緻嘅小碟上，爽口彈牙，配以少少岩鹽，味道更鮮。北海道蠔- 睇住師傅開蠔，好大
之前食過有啲Omakase好日式小店feel，座位比較貼，但係呢間餐廳地方地方好寬闊，坐位亦都比較闊落，裝修設計乾淨明亮，一入舖頭已經有位Michael師傅好禮貌咁招待，感覺窩心！
要食當然就食最好，我哋揀咗最靚嘅套餐，趁師傅準備食物嘅時候亦都周圍睇吓店舖嘅格局。店舖吧枱L字型，有十多個座位，簡約嘅設計配上一個大螢幕不停播放日本靚靚嘅風景，真心想而家就飛過去！店舖一角放咗個大魚缸養住大大隻嘅生蠔、象拔蚌、蝦等，我一陣就要食你哋啦！
返埋座位， Michael師傅已經準備好薑片， Wasabi，同醃蘿蔔在客人前方，第一碟美食已放喺你面前：
鱆紅魚薄切刺身- 刺身上灑上少許柚子皮，顏色悅目之外，帶來淡淡的柚子清香，配以酸汁，令人胃口大開！
轉眼Michael師傅介紹第二道菜，小心呀：用長刀一下拍打落長長嘅象拔蚌度，象拔蚌即刻彈起，新鮮度十足，一拖一切，象拔蚌刺身就完成了，放上精緻嘅小碟上，爽口彈牙，配以少少岩鹽，味道更鮮。
北海道蠔- 睇住師傅開蠔，好大隻呀！呢款蠔食落肉質爽甜，又夠厚身，配上醬汁提鮮，係我鍾意嘅類型！
大拖羅（水撥位）- 師傅奉上呢款刺身嘅時候，特別提及呢個係水撥位，淨係見到啲油花都流晒口水，一啖咬落去，油脂豐腴，同喺日本食到嘅一樣咁美味！
天婦羅- 間場嘅係熟食天婦羅，上枱已聞到香濃油炸味！食得太開心得冇留意到師傅介紹呢份係乜，但食落感覺就似係白子，口感軟滑香濃。
跟著係四款壽司同手卷：有赤背、大拖羅、墨魚、熟蝦同海膽， 赤背鮮味十足，望住師傅一拍「卜」一聲，將壽司放上碟後赤背會慢慢彈起，好似仲喺度游緊水一樣，從未食過如此鮮味嘅赤背！
墨魚膠質非常重，大拖羅魚油極為豐富，熟蝦就非常爽甜，本身已經有醬汁喺面，可不另點豉油。壽司飯團揑得鬆軟，但夾起亦不易散開，恰到好處！
直至最後一款手卷都仍然充滿驚喜，只見師傅突然遞上一團紫菜，原來入邊包住滿瀉嘅海膽，一啖又一啖清甜嘅海膽鮮味湧入口腔，Michael師傅提點呢個又係要盡快食，因為滿滿嘅海膽會令紫菜好快就變得淋身。
最後上既係熱辣辣𩶘魚湯，配以什菌，舒喉之餘亦十分暖胃，再加上一道益力多味嘅雪糕做總結，好幸福嘅一晚！！
呢間店每款食菜都非常鮮·甜，更令我印象深刻嘅喺呢度紫菜嘅香·脆！只係聽聲都知道高質！！而家仲做緊八五折優惠，鍾意食Omakase嘅朋友絕不能錯過！
张贴
