二少廚房

食完飯唔夠候總係想食啲甜品，飲下野，一行三人決定去呢間環境舒服嘅二少甜品坐低傾下計。叫左一個芒果涼粉，一杯熱玫瑰蜂蜜花茶同一杯凍紅棗桂圓茶。

芒果涼粉$38，可以加花奶同黑糖，餐廳另外用兜仔上，可以按個人喜好加唔同嘅份量，幾貼心。芒果有別於普通街市嘅芒果，係最特別嘅呂宋芒，而且涼粉切得切細粒，啱晒女仔食。

熱玫瑰蜂蜜花茶$25，估唔到玫瑰味幾出，蜂蜜嘅份量唔會太多所以唔會勁甜，好香。

凍紅棗桂圓茶$27，望落好似好淡咁，但係飲落一啲都唔普通，紅棗同桂圓嘅味道都好出，亦都唔會好甜，啱啱好，推介俾女仔飲。