珍煮丹 (已結業)

最近迷上芋头鲜奶，试过好多间台式饮品店，质素参差。明显嘅分别在于芋头品质，鲜奶：芋蓉比例配搭，珍珠/芋圆嘅软硬度。今次又路过葵广，就嚟试吓以主打珍珠嘅珍煮丹。十份芋芋鲜奶 半糖芋蓉芋头味浓郁，芋蓉入面有粗粒芋头，增添口感。芋蓉比例占整杯份量 1/6 左右，份量少，即使芋头味浓郁，仍然撑唔起整杯嘅味道，如果增加芋蓉份量会更好，味道更浓。鲜奶味淡，冇乜奶味，而家份量太多，冲淡芋头味道，整杯味道偏淡。主打嘅「丹」，真心觉得硬，冻冰冰，实当当，仲要占咗 1/4 杯，饮完好伤胃。😅 搞到我对珍珠奶茶有少少阴影，短期内决定唔加珍珠。😅 希望下次再去会有改善啦！最后一提，店内姐姐服务态度一流，每杯饮品都对客人有温馨提示。