A La Umai (已結業)

由於當日小弟結婚記念日，book咗九點晚飯，book之前餐廳有講last order係10點半，當日九點鐘準時到達，起初服務很好，食物也不錯，我們點了兩份晚餐加一支紅酒，直到差不多10:20餐廳已經要我們埋單~但我也覺得無所謂埋咗單先，方便人哋埋數～當時我地仲淨返大概半支紅酒，諗住可以慢慢飲埋先,點知過多10分鐘餐廳已停晒音樂，跟住我問返侍應你地唔係10點半先last order咩？佢哋就答：我哋一冇客就收~當時成個餐廳嘅氣氛好差，冇晒音樂好似趕客咁~跟住我哋終於忍唔住問佢可唔可以開返啲音樂，同佢講我哋飲埋就走~佢先開返啲音樂俾我哋~上網睇呢間餐廳嘅評語係環境氣氛好，好適合紀念日，但係我就覺環境同氣氛都好一般，同網上睇相都幾有分別～價錢埋單都要1500幾，俾得呢個價錢其實已經可以係中環食，我覺得如果餐廳收10:30或早D應該一早book枱時應講定~(個人應為呢一類型餐廳，通常用餐起碼兩小時）人客可決定上唔上黎食~結果我地急急忙忙飲完D紅酒～最尾走嘅時候經理好似當我地透明咁~bye bye 都冇聲~我嘅結婚紀念日就咁係一個咁嘅氣氛環境下過了~失望！