組長日式放題 (已結業)

尋晚去左MK 行街, 朋友話想食放題, SEARCH 下附近搵到呢間, 上到去又唔洗等.我地叫左好多野食, 一上到去先飲左碗熱辣辣既麵史湯, 個人即時暖哂. 刺身新鮮、肥美，最中意係帶子同甜蝦，另外壽司種類亦好多 eg. 芥辣八爪魚、花之戀、左口裙邊、等等～天婦羅叫左好多蝦、蟹柳，仲有香蕉天婦羅，超正，好好食！另外清酒煮蜆都唔錯，串燒雞軟骨、雞翼、菠蘿都正，燒得岩岩好，唔會過式咸。菠蘿最正，d 汁好juicy~仲有炒野菜, 雪糕、野飲任拎.overall 環境舒服, 地點方便, 野食種類多, 下次可以再黎!