影片
更多
2018-04-21
1643 浏览
回顧吓小弟自己嘅飲食足跡，以中菜、日本菜、意大利菜食得最多，當然，同呢類菜系晌香港較普及有關。日本菜方面，以日式放題食得比較少，因為身邊嘅老友都話無咁好食力，食得少就怕蝕底，而小弟對上一次食放題已喺一年前嘅事。難得戰鬥力強嘅表哥有興趣，兩老表聚一聚，就揀食日式放題，搵咗平平哋，又就腳嘅「日式組長放題」。晌樓下已經見佢哋有派人派傳單，晚市星期一至四收$188 + 10%，五、六、就收日$198 + 10%，限時兩個鐘，半個鐘前截單，都喺一貫食放題嘅做法。而7:30pm前離座或9:30pm後入座，可獲8折優惠。「組長」嘅地方唔大，一入門口就一眼望晒，比以往食過幾家放題店而言，呢度算袖珍，裝修亦較平實，座位都排得幾逼，近乎枱貼枱。而且，佢哋會用盡啲位，所以，新入座嘅都會被安排枱接枱咁坐，就算現場所見，佢有大量空位晌中間，都安排啲客先聚埋一邊。點菜紙就放晒晌枱面，大類分為刺身、壽司、火炙壽司、軍艦、卷物、手卷、沙律、小食、鐵板、天婦羅、揚物、串燒、拉麵 / 烏冬、一品料理等。入門口轉左，就喺自助區，主要喺飲品、甜品自由取用專區。相對起一啲大嘅放題店，呢度嘅選擇就比較少。飲品今晚都唔喺飲咗好多嘢
晌樓下已經見佢哋有派人派傳單，晚市星期一至四收$188 + 10%，五、六、就收日$198 + 10%，限時兩個鐘，半個鐘前截單，都喺一貫食放題嘅做法。而7:30pm前離座或9:30pm後入座，可獲8折優惠。
「組長」嘅地方唔大，一入門口就一眼望晒，比以往食過幾家放題店而言，呢度算袖珍，裝修亦較平實，座位都排得幾逼，近乎枱貼枱。而且，佢哋會用盡啲位，所以，新入座嘅都會被安排枱接枱咁坐，就算現場所見，佢有大量空位晌中間，都安排啲客先聚埋一邊。
點菜紙就放晒晌枱面，大類分為刺身、壽司、火炙壽司、軍艦、卷物、手卷、沙律、小食、鐵板、天婦羅、揚物、串燒、拉麵 / 烏冬、一品料理等。
入門口轉左，就喺自助區，主要喺飲品、甜品自由取用專區。相對起一啲大嘅放題店，呢度嘅選擇就比較少。
飲品今晚都唔喺飲咗好多嘢，都喺一罐荔枝茶及一罐冬瓜茶，味道又唔錯喎。臨尾食完雪糕，就再飲多杯檸蜜暖和番一下。
沙律、小食餐前食啲開胃嘢過吓場，所以，就揀咗蟹籽沙律及味附螺肉，都喺大路常見嘅選擇，味道談唔上有咩突出，只喺平平穩穩。
刺身食放題，唔易飽肚又較回本，唔使多講都喺刺身，一共有10款，話多唔多，話少唔少，除希靈魚（我哋都唔鍾意食），樣樣都點啲，即喺有三文魚、劍魚腩、馬刀貝、帶子、八爪魚、白象拔蚌、鯛魚、鮑魚片及甘蝦。雖砌成一大盆，但都喺堆堆砌砌。對比起之前食過嘅荃灣大并町及旺角至尊滿屋，唔單止碎冰墊底以保鮮度，更砌出嚟有份美感。講番質素，都唔喺差嘅，三文魚、馬刀貝、八爪魚及甘蝦都鮮甜好食，不過，部份用料嘅級數就好普通，好似啲帶子細粒又碎，劍魚腩唔油潤，啲白象拔蚌感覺好古怪，師傅切得有啲迤，好幾款刺身都切唔斷尾，一夾起黐埋一抽，哈哈！
火炙壽司壽司雖然有成20款，但就無點，反而有幾款火炙壽司有興趣，故點咗火炙三文魚、火炙松葉蟹棒及火炙左口魚邊。3款壽司就意外地好食，飯粒搓得唔會太鬆散，火炙過後啲魚嘅油香更突出，蟹棒亦唔會咬落一口粉嘅平價貨。
揚物軍艦、卷物、手卷同屬飽肚嘢，無叫到喺因為仲有其他嘢更想食，其一就梗喺炸嘢啦，分別點咗脆炸黃金蝦、黃金吉列廣島蠔、紅豆流心丸子及脆炸芝士蝦球，分兩碟前後上。個吉列脆漿香脆就香脆喇，不過，頗厚身，幸而蝦及蠔都好味。
至於粒流心丸子，完全喺跟食迷你煎堆仔無分別，紅豆餡好清甜，但就唔流心；芝士蝦球可以勁拉到芝士絲，配蝦球亦好食，兩者都喺新鮮炸起，入口熱辣辣。
天婦羅下一輪繼續喺炸嘢，一口氣叫咗多款天婦羅，包括大蝦、三文魚、茄子、松葉蟹棒、日本南瓜、蕃薯、冬菇及香蕉。比起啲吉列，天婦羅做得好好多，粉漿唔會太一口粉，夠薄夠脆，多款天婦羅都正，香蕉天婦羅都頗特別；唯獨松葉蟹棒變咗普通嘅蟹柳，茄子就一大抽咁炸。
串燒串燒都多選擇，共12款，我哋一次過點咗當中9款，可見我哋都幾鍾意食串燒，計有鹽燒雞翼、鹽燒雞軟骨、汁燒雞肉串、鹽燒多春魚、鹽燒海蝦、汁燒香草腸、孜然羊肉串、生燒鮮菠蘿、日本蕃薯仔。串燒嘅水準唔及天婦羅，燒得比較乾，喺雞翼、香草腸、羊肉串較好食，多春魚無乜魚春，菠蘿又有點酸。
鐵板食完幾輪熱氣嘢，回回氣再繼續，但就唔敢一次點太多，因為近尾聲，都八乘幾飽。點咗一客鐵板類嘅汁燒十勝牛舌，呢個正喎，值得推仲，牛舌口感軟腍又帶點煙韌，散發出獨特嘅臊香。
一品料理追加多一客一品料理嘅蒜香牛油青口，其他寫一份份怕兩個人食唔晒，呢個料理都唔差，青口肉唔會韌到似擦紙膠咁，又充滿蒜香。
拉麵 / 烏冬真喺嚟到尾聲，我就留肚試啲甜品，表哥真喺堅有食力，獨攬一碗九州拉麵，佢話麵條幾好，彈牙有力，餸料亦多，個豬骨湯底算香濃，但啲叉燒就話似啲腩肉，大大嚿咁，唔喺一片片。
甜品出名有啲放題已經升級至Movenpick雪糕、Dreyer’s雪糕批，但當然要等貨付出啦。呢度就只有本土品牌牛奶公司雪糕及雪條，不過，小弟都啱架，尤其佢隻紅豆口味，可惜今次無，食咗朱古力及黑芝麻口味。
此外，仲試埋數款小甜點，忌麻泡芙、豆沙和果子及一粒以為喺松露朱古力，原來喺一粒搵麻糬皮包住嘅朱古力，味道……OK啦。
位處旺區而言，唔計攞盡優惠，收費都喺二百頭，放題而言都算平。不過，整體而言，款式、食材都喺屬平常慣見貨色，亮點就無乜，但勝在跟落單嘅份量足，無乜點漏單，招呼又唔錯。所以，對食材唔太要求，只喺一心平平哋喪食一番，「組長」就會喺你杯茶。
张贴
