影片
更多
2005-03-05
14 浏览
今日一行四人約o左飲下午茶,由於媽媽極力推介呢度o既下午茶,所以我原本想食西式tea都聽o左佢介紹~原來呢度全日不收加一,下午茶時段仲有七折添,所以三點黎到要等成四十五分鐘先有位~叫o左八碟點心,當中有大、中、小點,另外叫o左一個客鄉情炒飯.(對於呢o的模稜兩可o既產品名稱,我一向都會事前問o下個等應究竟係咩,但係呢次細佬叫o左我都唔知,所以冇問,又好,睇o下你係乜東東!!)等o左一陣,竟然係碟飯黎先,賣相麻麻,因為比較深色,好似豉油炒飯咁,但睇得出唔多油,同o的飯粒都分得幾開,可能有o的內涵!食落果然唔錯,配料有肉絲、蛋絲同最特別o既梅菜,梅菜食落有得咬,又甜甜地,久唔久又會食到肥豬肉,好甘香,不過要趁熱食,凍o左冇咁好食~另外點心較有水準者有炸雲吞、炸鯪魚球同四星燒賣.炸雲吞皮鬆化,入面又有好大隻蝦,炸鯪魚球就好新鮮同彈牙~埋單真係勁平,只係$112!!平均每人都係廿幾蚊,o係老尖呢個真係超抵價!順帶一提呢度o的待應服務好好,有禮貌之餘又識自動自覺加水同收碟,效率好高!!
原來呢度全日不收加一,下午茶時段仲有七折添,所以三點黎到要等成四十五分鐘先有位~
叫o左八碟點心,當中有大、中、小點,另外叫o左一個客鄉情炒飯.(對於呢o的模稜兩可o既產品名稱,我一向都會事前問o下個等應究竟係咩,但係呢次細佬叫o左我都唔知,所以冇問,又好,睇o下你係乜東東!!)
等o左一陣,竟然係碟飯黎先,賣相麻麻,因為比較深色,好似豉油炒飯咁,但睇得出唔多油,同o的飯粒都分得幾開,可能有o的內涵!食落果然唔錯,配料有肉絲、蛋絲同最特別o既梅菜,梅菜食落有得咬,又甜甜地,久唔久又會食到肥豬肉,好甘香,不過要趁熱食,凍o左冇咁好食~
另外點心較有水準者有炸雲吞、炸鯪魚球同四星燒賣.炸雲吞皮鬆化,入面又有好大隻蝦,炸鯪魚球就好新鮮同彈牙~
埋單真係勁平,只係$112!!
平均每人都係廿幾蚊,o係老尖呢個真係超抵價!
順帶一提呢度o的待應服務好好,有禮貌之餘又識自動自覺加水同收碟,效率好高!!
张贴