Lab 66 (已結業)

約朋友食飯，最忌就係唔知食咩好，A朋友又話要食西餐，B朋友又話要食日本野咁🙄喂呢間特別在韓式、西式、泰式，甚至中式都有得食，最岩一大班朋友食。 韓式泡菜炒黑豚肉片（$78）加薄餅（$28） 食左韓國野先！黑豚肉片都好冧而且唔肥，泡菜份量好多，唔會過熟，所以仍然保持泡菜既爽！就咁食呢，個味會比濃啲但唔太辣既，但夾埋薄餅同辣醬食就岩岩好！鑊仔廣島蠔餅（$78） 中式style蠔餅都有！熱辣辣上枱，食蠔餅最忌成口油，但呢個唔油，個邊都好脆，但中間都好多冧好多肉，但蠔肉好似有啲細粒同少（但有機會係我啲朋友食晒啲蠔既😂），唔錯既。芝士蕃茄醬黑豚肉柳（$148） 終於到我揀既西式啦😍個黑豚肉柳好冧同juicy, 一啲都唔韌，蕃茄醬（唔係hea野茄汁，真係有茄肉嫁）加埋芝士真心無得輸！芝士份量都多！不過個配菜薯角就可以熟少少，咁就perfect，可是整體份量較少。手工雪糕gelato($38） 有三種味，開心果味、玫瑰花味同茉莉花味。最好味係開心果味，好濃！但其餘兩種就一般，有點似食緊香精咁😂呢間餐廳食物質素都唔錯，但價錢略嫌有點貴。