今次一行5人，終於可以黎呢度試，前一日先打去book,好彩仲有一張細枱，星期五都book到位，好期待！最後原來係紅磡火車站行過黎都好快！
睇住Google map都好容易搵到！
難得黎到，梗係要試蕃茄蟹湯，果然不負眾望！好好味
大家都飲左幾碗湯！
朋友鍾意食油炸鬼，加埋呢個湯、真係好正！好甜！
同埋一定要食手切牛，好新鮮！真係好想叫多碟，哈哈！不過大家已經好飽！唯有下次再食過啦！
今次叫左桶蠔，同埋蟶子，椒鹽九肚魚，手打丸，響鈴，2碟菜，埋單每人$340
走果時9點幾，仲見到好多人係出面等位！
