影片
更多
2011-09-20
252 浏览
5-9-2011(Mon)放工後同男友行o黎呢o度攞公司送o既冰皮七星伴月,返到屋企食完晚飯,我就拎出o黎影相.點知男友見到一個黑色o既覺得好奇,話要試.我話佢知係魔鬼脆脆－黑巧克力脆米,好啦,開o黎食啦.食落,甜度適中,似食凍朱古力,口感軟綿綿,介乎慕絲同朱古力漿之間,呢個口感討好.而唔多o既脆米只係小點綴,其實冇都唔緊要.味道: 4.5分2. 抺茶甘栗呢個冰皮已經話畀人知係緑茶,切開睇,好似冇栗子肉,食落,绿茶味淡,但栗子味更淡,食四份一件至食到一粒直徑約5毫米o既硬栗子肉.不過呢個清得o黎唔漏都可以o既.味道: 3分3. 藍莓芝士同上次用團購揀o既味道一樣,如果攞餅時知道,真係想問可唔可以換另一隻味.呢個切開時有啲硬,冇上次咁黐刀,所以切開出o黎係整齊啲.而今之味道好似濃啲,好味啲.味道: 5分上次食美心冰皮月餅o既食評: http://www.openrice.com/restaurant/commentdetail.htm?commentid=21904704. 芒果脆脆為o氹甜品中只喜愛芒果o既爸爸食冰皮月餅,所以開呢個,亦好期待.切開睇,好失望,芒果醬得好少,食落,我好似
點知男友見到一個黑色o既覺得好奇,話要試.我話佢知係魔鬼脆脆－黑巧克力脆米,好啦,開o黎食啦.
食落,甜度適中,似食凍朱古力,口感軟綿綿,介乎慕絲同朱古力漿之間,呢個口感討好.而唔多o既脆米只係小點綴,其實冇都唔緊要.味道: 4.5分
2. 抺茶甘栗
呢個冰皮已經話畀人知係緑茶,切開睇,好似冇栗子肉,食落,绿茶味淡,但栗子味更淡,食四份一件至食到一粒直徑約5毫米o既硬栗子肉.不過呢個清得o黎唔漏都可以o既.味道: 3分
3. 藍莓芝士
同上次用團購揀o既味道一樣,如果攞餅時知道,真係想問可唔可以換另一隻味.呢個切開時有啲硬,冇上次咁黐刀,所以切開出o黎係整齊啲.而今之味道好似濃啲,好味啲.
味道: 5分
上次食美心冰皮月餅o既食評: http://www.openrice.com/restaurant/commentdetail.htm?commentid=2190470
4. 芒果脆脆
為o氹甜品中只喜愛芒果o既爸爸食冰皮月餅,所以開呢個,亦好期待.切開睇,好失望,芒果醬得好少,食落,我好似食唔到芒果味,只食到啡色餅皮o既可可味,裡面o既所謂脆脆都唔脆,有冇攪錯?最離譜o既係遲o黎o既男友拎o黎食後,都唔知自己食o左咩味,話食到朱古力味.我睇返罐底寫o既成份,話有綠豆蓉,即係o個啲青青地色o既係綠豆蓉啦,我亦都食唔出.
味道: 0.5分
5. 楊枝甘露
之前o個個咁失望,就唔敢對呢個有期望喇.切開睇,餡好似多啲,食落,呢個味道對版啲,都食到有西柚肉.味道: 3分
6. 12-9-2011(Mon)中秋節正日,男友,我同爸爸食完豐富晚飯後,都要應吓節,攞個燕窩緑豆冰皮月餅食.
切開三份睇睇,係有類似燕窩o既餡,同樣係唔多,食落,緑豆蓉o既’香’味蓋過一切.而燕窩,口感係一pat pat漿住咁,算吧啦,係咁o架喇.味道: 3分
7. 休息幾日唔食住,到16-9-2011(Fri)晚,男友o黎食飯,食完飯就話要食冰皮月餅,佢揀o左天使白朱古力脆脆o黎開,切開睇,
個樣麻麻地,未食時估佢會好甜,但食落,冇朱古力味o既?o個啲咩o野脆脆都係冇朱古力味,成個就只有白豆蓉味,名不副實.味道: 1分
8. 奶黃
18-9-2011(Sun)晚,食埋最後呢個.切開睇,全個奶黃餡,食喇.好味喎,錎夠香夠味.好正常.呢個係咁多中最好食o既.下年我要買返奶黃月餅食先.(鴻星除外.)味道: 5分
张贴
