壽司豐 (已結業)

壽司癮發作，就捉埋朋友去食個Lunch Omakase😋Omakase一共有三個價錢可以選擇，我哋就揀咗$780既套餐。店員先奉上茶碗蒸同明蝦沙律。茶碗蒸加咗慢煮鮑魚汁，有淡淡海鮮風味，但又唔會蓋過蛋香，口感嫩滑。明蝦爽滑新鮮，底層即係菠菜加咗胡麻汁，係一道唔錯幾開胃菜。有三款刺身，分別係臘魚，北海道帶子同拖羅。北海道帶子鮮甜，臘魚呈珍珠白色，配搭酸汁好開胃，拖羅油香十足。打頭陣嘅係金目雕，一向都好鍾意食金目雕，味道甘鮮淡雅。北海道銀鱈魚，加埋調味令到味道層次更加豐富。期間限定嘅秋刀魚，配搭薑蓉係不敗嘅組合😋😋😋鯖魚魚味香濃。北海道馬糞海膽，鮮甜，沒有絲毫嘅腥味😋😋😋燒物配上檸檬，蘿白蓉同酸汁，魚肉口感香滑，唔會覺得油膩。最後飲埋湯同士多啤梨蛋糕作結，好滿足嘅一餐。