和順記 (路德圍) (已結業)

路德圍出名多嘢食，早前已經收到風💨開咗超級邪惡😈大過塊面嘅大雞脾🍗，終於都搵到機會嚟潮聖下! 原來荃灣哩間分店係由前蘋果🍎記者經營，良心小店當然要支持下💪🏻，不要忘記一直堅持💖。「雞脾打人牙骹軟」，知我咩料啦！·嚟到梗係要食大大大雞脾🤩啦!order咗2個雞髀皇全日套餐 ($65)，分別叫咗🔥炸脾同瑞汁鹵雞髀🍗，跟餐選配日本珍珠米飯🍚、意粉🍝、炸薯角🥔等，同朋友揀咗撈丁(+$3)同番茄湯讚歧烏冬(+$7)，另外仲有得揀埋跟咩醬汁㗎👍🏻。·應該係全香港😍最大嘅炸雞髀⁉️真係大過我塊面🤗！細食嘅女仔一定食唔哂(當然唔包括我啦)，好有份量仲好有重量🔝，拎上手唔係講笑真係有啲重。炸脾真係😈超級邪惡！就咁睇好似好油，但食落又唔算喎，佢唔係乾掙掙好柴嗰種👍🏻，肉汁同油份令肉質食落好嫩，有驚喜🤩！而瑞汁鹵雞髀始終唔係炸會感覺冇咁邪惡😆，佢勝在鹵得入味，肉裡面都食到瑞士汁味道😋，見佢嘅顏色就知啦!特別一提嘅係個🍅番茄湯讚歧烏冬，番茄湯底好濃郁，加上讚歧烏冬口感好彈牙🤤，加$7食佢係值得嘅。·2個人驚死唔夠食😂，另外仲加配咗跟餐小食，炸豬肉燒賣 ($15)、和順記大魚蛋🍡 ($15)、蠔油生菜($20)。