三多炸肶 (已結業)

食完柚屋，同小寶仔覺得唔夠喉，就走咗去試吓三多炸肶。之前成日聽人講話好好食，一直都好想試，既然同柚屋咁近，就梗係唔好錯過啦！我哋每人叫了一隻炸肶，總共＄60。其實佢有二人餐，但二人餐太多了，而我哋啱啱又食完野，所以每人一隻炸肶就夠。大概等了10分鐘左右，炸肶就ready 喇！都真係幾大隻，而且剛剛炸起，非常非常熱，食嘅時候真係小心比啲油辣親個咀。唔知係咪之前食咗嘢，定係期望太高，我又唔覺得咁好食喎，不過佢啲雞肉都真係幾嫩滑嘅。下一次或者我要空肚再試，俾多次機會佢。