橫綱

营业中

休息中

每次經過都大排長龍，今日終於食到喇。九州拉麵配豬骨湯底，改了粗麵。湯底：沒有我想像中濃味。叉燒：唔大塊，肉質比較乾身。反而我欣賞蜜糖豆，好甜好飽滿。而主角的拉麵，雖然係粗身，但係與一般的差不多，真係爽口又彈牙，是近期食過較好的一間。和風涼麵-限定5-10月才有得食，既然係限定當然要試啦。配了甜酸汁後，真係有種開胃又涼快的感覺，真係可媲美中環"札幌元祖"。雖然係幼麵，食落真係好爽口。棒餃子-初時我仲以為係煎薄罉，外圍煎得又薄又脆，唔識煮野的我，覺得煎得又薄又脆又唔爛，真是考功夫，而餃子皮又夠薄。以價錢來講，四十幾蚊一碗彈牙的日本靚麵，真係唔貴，唔怪得長期排長龍。p.s.正當欣賞緊彈牙爽身的靚麵時，對面搭枱的女仔，竟然嫌d麵太硬，再三吩咐落單姐姐，要將麵煮得腍腍的。真係各人口味不同。