泰廚房子 (德福廣場1期)

营业中

休息中

自從UA睇戲無左優惠之後，睇戲都轉左去MCL，多咗機會喺德福食飯。今次食咗一間泰菜，相信係新開的小店，以前都冇乜點見過。食物選擇都幾足夠，粉面小菜樣樣齊。記得上次打風想食咖喱炒蟹，但度度都無得食，今次仲唔比我食返夠本！咖喱炒蟹用上原隻大肉蟹，多肉又多膏。咖喱係黃咖喱，小辣偏甜，蔥花、薑絲、蛋漿係整個咖喱的靈魂，非常惹味！蟹蓋上的膏多到可以大大啖食。美中不足係佢哋冇薄餅，蒜蓉包搭救！咖喱蟹已經夠重口味，所以我地點左一個清淡小小的海南雞飯。海南雞肉質嫩，醬料都幾正宗。油飯同冬瓜湯似模似樣。個泰式通菜亦做得唔錯，味道夠濃，而且個辣味係慢慢滲出嚟，幾過癮。