影片
更多
2022-05-19
28 浏览
荔枝角工廈內嘅高質台式小店～黑布小巷！自己搵位坐，枱面有QR code自助落單及付款，非常方便。雖然係自助形式，但店員服務都好友善，食物份量亦好足，每人$100左右已經食得好滿足！慢烤雞腿芝士蛋吐司($53)台式吐司係呢度嘅皇牌，分豬扒同雞扒兩款。揀咗慢烤雞腿芝士蛋吐司，麵包烘得金黃香脆，中間夾住厚厚嘅雞扒、半熟流心蛋、芝士同秘製醬汁！雞扒肉質嫩滑juicy，食嘅時候仲有肉汁呢，我特別鍾意小店嘅秘製醬汁，甜甜地好惹味！日本雞蛋流心度高，加埋鹹香濃厚嘅熱熔芝士，一齊食味道非常豐富！不愧係招牌，好味呀！古早味手工滷肉飯($48)滷肉飯好大碗，鋪滿半肥瘦嘅滷肉，非常足料！滷肉唔會切得太碎，滷得入味，口感好好。不過珍珠飯就煮得腍咗D，有改善空間！台南蝦卷(+28)蝦卷好好食，口感彈牙有鮮味！花枝丸配淮鹽(+$28)花枝丸一客有5粒，每粒都包著飽滿結實嘅花枝粒，口感紮實彈牙又有嚼勁。黑糖紅棗薑三色圓($38)有齊三款自家人手製作嘅芋圓，地瓜圓及紫薯圓，顏色鮮艷，份量十足！每款都大大粒，味道亦見突出天然，如果口感可以改良一下，再Q彈煙靭D就更好啦！+3要咗一杯凍頂烏龍，茶味好濃！
自己搵位坐，枱面有QR code自助落單及付款，非常方便。雖然係自助形式，但店員服務都好友善，食物份量亦好足，每人$100左右已經食得好滿足！
慢烤雞腿芝士蛋吐司($53)
台式吐司係呢度嘅皇牌，分豬扒同雞扒兩款。揀咗慢烤雞腿芝士蛋吐司，麵包烘得金黃香脆，中間夾住厚厚嘅雞扒、半熟流心蛋、芝士同秘製醬汁！雞扒肉質嫩滑juicy，食嘅時候仲有肉汁呢，我特別鍾意小店嘅秘製醬汁，甜甜地好惹味！日本雞蛋流心度高，加埋鹹香濃厚嘅熱熔芝士，一齊食味道非常豐富！不愧係招牌，好味呀！
古早味手工滷肉飯($48)
滷肉飯好大碗，鋪滿半肥瘦嘅滷肉，非常足料！滷肉唔會切得太碎，滷得入味，口感好好。不過珍珠飯就煮得腍咗D，有改善空間！
台南蝦卷(+28)
蝦卷好好食，口感彈牙有鮮味！
花枝丸配淮鹽(+$28)
花枝丸一客有5粒，每粒都包著飽滿結實嘅花枝粒，口感紮實彈牙又有嚼勁。
黑糖紅棗薑三色圓($38)
有齊三款自家人手製作嘅芋圓，地瓜圓及紫薯圓，顏色鮮艷，份量十足！每款都大大粒，味道亦見突出天然，如果口感可以改良一下，再Q彈煙靭D就更好啦！
+3要咗一杯凍頂烏龍，茶味好濃！
张贴
