101手工小火鍋 (置富嘉湖)

每逢到左星期六都特別開心，因為返左5日工，終於可以放下假，又可以同屋企人出街食下飯，今日去左銀座食飯，雖然商場裝修中，不過都多左幾間新食店進駐，今日就去左101手工小火鍋，第一次來到已好吸引。

呢間一人一台式小火鍋比起其他食店好唔同，有好多款不同火鍋底選擇，今日點了蟲草花養生鍋，火鍋料非常之十足，有蟲草花、冬瓜、雞脾肉、玉子豆腐、包心菜、蕃茄、粟米、金菇等等.... 仲可以配上其中一種肉類(肥牛、豚肉、雞脾肉)，再加多個主食麵底，再加多杯飲品，呢個一人鍋真係好豐富，而且價錢又好大眾化，我愛上了。哈哈。