以後唔使出市區都可以食到啦！
今日一口氣食齊三款口味：原味、芝士味同期間限定嘅蘑菇味，每款都有驚喜！
🍔 原味漢堡排：
基本但絕唔簡單！肉香爆棚，和牛嘅油香同美國牛嘅濃郁平衡得剛剛好。上枱時大約六至八成熟，可以自己喺熱石上面再燒吓，調校生熟度。必試隱藏食法：戳穿隻溫泉蛋撈飯，再加埋肉汁，最後鋪上漢堡排，真係無得輸！
🧀 芝士味漢堡排：
面頭鋪咗一片芝士，再刨上大量芝士碎，砌成一座「芝士山」，賣相超吸睛！一啖咬落去，濃濃芝士鹹香同肉汁交融，罪惡感滿分，但好滿足！
🍄 蘑菇味漢堡排（期間限定）：
三款之中最驚喜！蘑菇醬汁濃稠掛肉，面頭鋪滿大量鮮菇，菌菇香氣超級突出，鍾意菇菌嘅朋友一定要試！
另外要大力一讚佢哋每日現磨嘅日本東北「虹煌米」，飯粒粒粒分明，口感煙韌，仲有日本新鮮雞蛋，質素好高！而且西蘭花、白飯同麵豉湯都係無限追加，日本米咁好食，添飯真係毫無難度～
3
1
