影片
更多
2011-04-05
10 浏览
以前去日本, 每次都要去牛角吃燒肉~ 為什麼?? 因為日本的牛角真係開到周圍都係, 在新宿區行過幾條街又會見到有一間牛角, 而且他們的東西, 幾百yen一碟肉/菜, 真係好抵同埋好食。去年牛角終於登陸香港, 真係好開心, 終於唔洗去日本都能吃到這間咁有水準的日式燒肉~ 雖然香港用的爐, 不是日本用的炭爐, 燒起肉來沒有在日本吃的咁有風味, 不過還是認為香港店的水準, 比其他燒肉店的水準還要好。之前去過牛角的尖沙咀店一次, 那次等位等了一小時, 等得來又只得一小時吃, 上次實在不能吃得真。今次再去九龍灣店為朋友慶祝生日, 還要謝謝朋友找了公關訂了檯, 所以今次終於不用等就有得食, 而且一吃就由7點半吃到10點!! 好誇張!!我們一行8人真的吃了很多, 因為牛角的東西, 每碟都細細碟, 我們吃完ENCORE又ENCORE~ 因為吃得太多, 所以都沒有每碟都影相, 只影了一些我認為最好吃的放在這裡。麻香椰菜是我的最愛, 椰菜夠凍夠爽脆, 加埋麻油醬汁一起食, 勁香勁惹味!! 上級牛肋肉, 肉質夠腍, 油脂比例剛剛好~ $59一碟, 真係幾抵食!!每次去吃燒肉, 一定要叫一個蔬菜組合, 食咁多
去年牛角終於登陸香港, 真係好開心, 終於唔洗去日本都能吃到這間咁有水準的日式燒肉~ 雖然香港用的爐, 不是日本用的炭爐, 燒起肉來沒有在日本吃的咁有風味, 不過還是認為香港店的水準, 比其他燒肉店的水準還要好。
之前去過牛角的尖沙咀店一次, 那次等位等了一小時, 等得來又只得一小時吃, 上次實在不能吃得真。
今次再去九龍灣店為朋友慶祝生日, 還要謝謝朋友找了公關訂了檯, 所以今次終於不用等就有得食, 而且一吃就由7點半吃到10點!! 好誇張!!
我們一行8人真的吃了很多, 因為牛角的東西, 每碟都細細碟, 我們吃完ENCORE又ENCORE~ 因為吃得太多, 所以都沒有每碟都影相, 只影了一些我認為最好吃的放在這裡。
麻香椰菜是我的最愛, 椰菜夠凍夠爽脆, 加埋麻油醬汁一起食, 勁香勁惹味!!
上級牛肋肉, 肉質夠腍, 油脂比例剛剛好~ $59一碟, 真係幾抵食!!
每次去吃燒肉, 一定要叫一個蔬菜組合, 食咁多肉, 食返菜來平衡返~ 最鍾意食燒洋蔥同埋露荀, 加埋醬油, 正!
牛舌有兩款, 這款是薄的~ 口感麻麻, 不過勝在容易燒熟, 時間容易掌握!~
另外是厚切牛舌, 勁爽口, 好有咬口! 不過燒的時候,要好好掌握時間, 燒得過熟就不好吃了!
勁推介蒜香麻油一口牛, 真係好好味! 牛粒上已有鹽醬調味, 先將牛粒燒至半熟, 再把放了牛油及蒜片的鍚紙兜放在爐上加熱至牛油溶化。這時牛粒應該已有7成熟, 將牛粒拌入蒜香牛油溶液一起進食, 香口無比!!!
蛋黃醬鐵板蝦, 原個鐵板放在爐上煮熟, 蛋黃醬伴蝦一起食, 味道幾得意!!
打邊爐吃牛柏葉就食得多, 去吃燒肉吃牛柏葉都幾得意~ 燒幾分鐘, 口感超好, 勁爽, 好味!
我的至愛~ 香蔥溫泉玉子拌飯, 好味到不得了!! 我想我一個人可以食完一整碗!!!
甜品時間~
傳統的銅鑼燒中間只有紅荳~ 牛角的銅鑼燒中間夾著紅荳之餘, 還有抹茶雪糕~ 睇見都覺得好好食!!
店員教我們要開大火把銅鑼燒每邊燒15秒就可以食, 最後還親切地幫我們燒好!! 香港牛角有的是日本貼心的服務!!
幾款甜品, 我最愛是這個雪糕泡芙!!!! 我對這個PUFF的喜愛程度是10分, 吃完一碟, 還跟朋友說可不可以陪我一起ENCORE多一碟!!! 哈哈!!!
這個PUFF做得相當好, 好香的芝士味, 還有少少蜜糖在面~~
放在爐火上以中火燒一會, 再加上雪糕在面, 入口時暖暖的PUFF配凍冰冰的雪糕, 感覺好得意!!
這晚實在太滿足, 喜歡吃的都吃過, 而且是慢慢吃不用趕~ 我會繼續再支持香港的牛角的, 希望他們可以開多幾家分店, 平時想吃時都不用大排長龍啦!!
张贴
