迷你毛

营业中

休息中

文青Cafe越開越多，但其實好多餐牌都係千遍一律。要搵一間座得舒服既Cafe shop唔難，有搵一間有特式嘢食就好難喇，今日嚟到深水埗鴨寮街minimal迷你毛當然第一下都係因為門面裝修吸引而入去試食啦。座底見到好幾樣嘢其實都幾想試，包括「全日窩夫早餐」、「莞茜苗香辣大蝦扁意粉」等等。但最後因為今日胃口一般就選了「慢煮香煎澳洲豬扒配芥末籽巴黎汁」主要原因係個名夠曬長～～～～哈哈！另外一如往常，配一杯Ice  Americano。上菜賣相其實非常唔錯，擺盤亦非常啱打卡影相，而最特別係中間有個紫色既係咩嚟呢？「慢煮香煎澳洲豬扒配芥末籽巴黎汁」咁多隻字我都識，但個紫色我真係解拆唔到係咩嚟，但最後反而係呢個紫薯薯蓉最得我心。因為就係呢個紫薯薯蓉既甜味特別地將煎豬扒既肉提昇了很多，當然豬扒本身都煮得剛剛好咬口非常Juicy。唯一就係肉既份量比較少，如果唔係我今日無咩胃口的話，一般男仔應該一定唔夠食。咖啡我覺得唔錯，大大杯又唔會因為大杯而味道變淡，咖啡味係Nutty非常岩做Americano～～讚！環境唔多講，多個打卡位，地方又夠大。感覺呢間餐廳食甜品會更加出色，所以我會再嚟幫襯！