拉麵軍團 (已結業)

聖誕佳節同老公睇完戲,諗咗好耐晚餐食乜,突然諗起想試下呢間拉麵,因為平時中午或夜晚好多時都要排隊,老公話今日鬼佬節日D人吃西餐多,落去搏一搏會否唔洗排隊,去到真係俾我老公估中,需然都要等一陣,但今晚比平時少人,10分鐘左右便有位了,入到去我就叫個傳統"豚骨湯拉麵"試試是否出色,我老公就見到隔離枱食緊海蝦濃湯拉,隻隻蝦都很大隻,他就試下呢款"赤海老濃湯拉麵",等咗一陣,兩碗都先後上枱,我碗豚骨湯拉麵湯底十分夠味,夠濃夠稔口,我最鐘意濃豬骨湯濃而稔口的這種口感,我老公的赤海老濃湯拉麵,湯底一樣落重料,非常濃郁的蝦味, 初初以為蝦未熟,一問侍應,原來蝦大隻得嚟,出乎意料是用上刺身用的蝦,專登半生熟的上碗,吃落真的十分鮮味,總括來講呢間都算是在東區內一間難得有水準的拉麵!