添好運點心專門店

米芝蓮係咪好巴閉呢？真係唔知啦，但係星期日既添好運真係等位都已經等左差不多半個鐘，好在呢日柑太同我太多時間，先有耐性等到入座。

入座後發覺四周環境十足大飯堂一般，客人與客人之間幾乎沒有多餘的空位，很擠逼，睇左點心紙後，擔心眼闊肚窄，於是就叫幾個招牌點心試下。

1

酥皮叉燒包

首先上場係叉燒包，一入口發覺非常之熱，味道還可以，不過酥皮未係好脆，入面既叉燒內涵好食肉味多汁。

蝦餃

蝦餃

蝦餃一般大小，入面蝦豬肉比例剛好，而外皮煙韌無一夾就散開，味道唔錯

腸粉

自家拉腸粉幾好食，而入口口感彈牙煙韌，配上甜咸度剛好的豉油，可以話係驚喜之作。

桂花糕

桂花糕比起坊間相比，味道較淡，沒有加入太多糖，反而食到桂花香甜之味，不俗。