九重鮮 (已結業)

終於等到解封限聚 特登提前兩日book定位，約左晚市8點，同時落埋2個a餐 梨花塔。我地未夠8點就到，以為可以早d入，點知原來730至8點系一執抬時間，好彩門口有椅可以 坐系到等。準時8點，職員就叫名入坐，之後職員就問 要唔要加錢叫野飲。如由於唔加錢就淨得水飲，所以我地兩個都加左，解喝。以目測見，店舖系先上高麗塔，再上弘益塔，最後先上梨花塔。我地系d熟食黎晒，d 蝦，蜆都仲未到。 不過等左一陣，一隻隻新鮮 彈下彈下 （系真系生猛果隻彈）既蝦送到黎（好多人都被嚇到），連埋d蜆一齊蒸，抬上有個漏豆作計時用。d蝦9成新鮮，間中有幾隻梅。d蜆一輪時有幾隻打唔開，第二輪好好多，隻隻都好乾淨，同埋開晒。 d熟食炸蠔系非常好食，但肉類有點過鹹，其他野食都系水準之上。