咖啡弄 (已結業)

當天同男友去完青衣公園睇紅葉,係青衣城丼丼屋食完晚飯,好似唔夠飽,就返銅鑼灣吃甜品。一心抱著撞彩的心情去咖啡弄等位,9:00去到見唔係好多人等緊,於是就排隊等下。點知一等就等住半個鐘,仲要10:15 last order。一坐低就睇餐牌,當然要點招牌的士多啤梨窩夫同雜會水果茶。不過兩人share一個窩夫又好似好少,所以點多一個特濃咖啡棉花糖。雜會水果茶(熱)因小妹不喜歡飲咖啡,加上有點咳,所以點了熱飲。這個真的超好飲~豐富的雜果粒~酸酸甜甜的,一小壺酙到約三杯。士多啤梨窩夫份量足夠,四塊1/4 size窩夫,厚度比預期厚,食完好飽。配上一個士多啤梨雪糕球,有果肉,很好味。另一個球係忌廉球,這個沒有特別。特濃咖啡棉花糖這個好誇張,賣相好得。巨型的棉花糖配上一小杯咖啡。台灣美媚還在上菜時還會在客人身邊介紹食法。搞到男友好緊張,因為無預計到美媚會咁做。男友話唔敢轉頭望佢,因為佢挨得好近食法是將咖啡順時針在棉花糖上倒下,一刹那棉花糖就縮晒,與底部雪糕杏仁粒結伴。賣相好,有得玩,不過就真係食唔到棉花糖的味道。食完尼餐好飽,相對亦好貴,仲貴過我地晚飯。下次再有機會就吃下午茶,可以錯耐d傾下計。