甜品大少

年頭有朋友推介大坑有間隱世甜品ok好食,一月唔記得邊日總之有日就去食過究竟啦,
跟住就食到上左癮,呢幾個月不知特登去過幾多次,好似食甜品先係正餐咁,求其絧鑼灣
搵啲唔會食到好飽0既野食,跟住就行過去呢間甜品大少度食甜品,尋晚又去完,終於都
過唔倒自己果關上黎推一推比各位,覺得冇理由食完好野就收埋開心架嘛,仲有都係為
報答甜品大少的老闆(應該係)一路以黎0既滿分服務同甜品0既無敵水準所以點都要打
埋呢篇讚先訓覺~睇下我呢幾個月在這裡試過啲咩好野啦~

正~雪耳南北杏燉原個南水梨(熱)~冬天乾乾地真正到爆!爭係飲啲湯都值回票價呀~又甜又潤~

正~呢個蕉糖燉旦~上面果層又脆又甜下面又好夠旦味~好野!!

心太軟配Dreyers石板街雪糕~真係未食過咁有水準0既~睇下啲朱支力熔岩流到!古力味一百分

蘋果批配Dreyers石板街雪糕~本人唔食呢樣甜品朋友叫就試啦,都ok好食,但朋友就話食過數一數二的

木糠布丁~最鐘意啲木糠~布丁又dede震~又睇得又玩得又食得~yumi~

正~牛奶布丁~外表簡單但奶味十足啊~

又係木糠布丁但點解唔同樣?原來大少話果日啲士多啤梨唔靚加埋佢地會不時重新design下賣相~真有心思

正~再一次心太軟,真係食上癮~原來仲可以配另一種Dreyers雪糕的~