影片
更多
2019-04-19
66 浏览
依兩日落雨，費事濕手濕腳去街市買餸，所以晚餐就決定出街食飯。今晚黎到Vcity，黎到1樓見到依間門面新淨企理嘅新加坡菜式餐廳，見到餐牌有好多選擇都好岩口味，就決定入去一試！雖然只有兩個人，但店員都很好安排咗張四人檯俾我地坐得闊落啲，而且餐廳嘅椅坐落幾有彈性，都幾舒服！我就選擇咗一個一人套餐，套餐有小食、主菜、飲品。小菜我就揀咗南乳雞翼，主菜係海南雞飯，而飲品就係黑糖珍珠豆漿。另外我加咗一個馬拉盞通菜。依款南乳雞翼又幾好食，好有南乳香味又唔會太咸，外皮煎至微脆，肉質仍然嫩滑！海南雞是無骨的，食落夠晒方便！雞皮咬落清爽唔油膩，而雞肉亦算軟滑，雞肉周邊是甜酸菜，食落令人相當開胃，附帶三款醬料是黑豉油、薑蔥油、酸辣汁。另外配上的一個中式例湯，飲落好夠味，唔似有味精！依款馬拉盞通菜有驚喜，因為上檯時係用熱石鍋，熱石鍋嘅溫度好高，啲通菜喺鍋入面吱吱作響，有氣勢之餘亦令到馬拉盞香味不斷湧出！依杯豆漿加咗近期香港大熱啲黑糖珍珠，估唔到兩者混在一起又幾夾，簡單講係幾好飲！細佬唔想食飯，於是叫咗個鮮蝦干撈麵以及酸辣鳳爪。個鮮蝦干撈麵係配上中式例湯嘅，佢個麵質幾彈牙，而且醬汁又夠入味，麵底下面有新鮮芽菜，撈
今晚黎到Vcity，黎到1樓見到依間門面新淨企理嘅新加坡菜式餐廳，見到餐牌有好多選擇都好岩口味，就決定入去一試！
雖然只有兩個人，但店員都很好安排咗張四人檯俾我地坐得闊落啲，而且餐廳嘅椅坐落幾有彈性，都幾舒服！
我就選擇咗一個一人套餐，套餐有小食、主菜、飲品。小菜我就揀咗南乳雞翼，主菜係海南雞飯，而飲品就係黑糖珍珠豆漿。另外我加咗一個馬拉盞通菜。
依款南乳雞翼又幾好食，好有南乳香味又唔會太咸，外皮煎至微脆，肉質仍然嫩滑！
海南雞是無骨的，食落夠晒方便！雞皮咬落清爽唔油膩，而雞肉亦算軟滑，雞肉周邊是甜酸菜，食落令人相當開胃，附帶三款醬料是黑豉油、薑蔥油、酸辣汁。另外配上的一個中式例湯，飲落好夠味，唔似有味精！
依款馬拉盞通菜有驚喜，因為上檯時係用熱石鍋，熱石鍋嘅溫度好高，啲通菜喺鍋入面吱吱作響，有氣勢之餘亦令到馬拉盞香味不斷湧出！
依杯豆漿加咗近期香港大熱啲黑糖珍珠，估唔到兩者混在一起又幾夾，簡單講係幾好飲！
細佬唔想食飯，於是叫咗個鮮蝦干撈麵以及酸辣鳳爪。
個鮮蝦干撈麵係配上中式例湯嘅，佢個麵質幾彈牙，而且醬汁又夠入味，麵底下面有新鮮芽菜，撈勻一齊食口感更加好食！
依個酸辣鳳爪份量夠，鳳爪咬落好爽脆，而且個酸辣汁好夠味又唔覺得嗆喉！
张贴
