影片
更多
2009-06-01
21 浏览
31-5-2009一直覺得九龍城中菜館話多唔多話少唔少, 但肯定0既係, 通常好食就唔多好坐, 好坐又唔會好好食, 不過今晚一行 4 人0黎了呢度 dinner 後, 終於「改觀」-- 終於有間好坐又好食!先0黎花旗參生魚燉湯, 飲完都唔覺係花旗參, 不過又生魚又大舊豬肉又大量金華火腿, 味道濃厚又鮮甜, 幾好飲.小食 #1 椒鹽豆腐, 奉上0急汁及淮鹽: 熱辣脆口, 不過無乜「肉地」, 似食緊椒鹽「粒狀炸腐皮」多 d.小食 #2 鹵水豬仔腳: 原來係熱食的, 又嫩又軟熟, 阿媽覺得鹹, 我就覺得唔夠味, 味道亦似「鹽水」多過「鹵水」, 麻麻0地鍾意.燒乳豬 (半隻): 呢度「名物」, 果然好好食 -- 薄皮極香脆, 無油, 配上味道勁似腸粉甜醬的乳豬醬, 食唔停口! 肉亦並非「豬頭骨」貨色, 頗有肉汁又唔會硬, 意想不到. 好好食的一隻豬, 值得試試.花雕蛋白蒸大白蜆: 大蜆隻隻鮮甜, 不過稍韌; 蛋白滑溜得似雙皮奶, 食落帶蜆汁的清甜, 亦有淡淡酒香, 幾好食.三色蛋蝦乾浸莧菜: 莧菜夠腍身, 湯亦鮮味, 不過呢碟比想像中鹹, 仲諗住叫0黎清清味蕾 tim @_@"蒜
一直覺得九龍城中菜館話多唔多話少唔少, 但肯定0既係, 通常好食就唔多好坐, 好坐又唔會好好食, 不過今晚一行 4 人0黎了呢度 dinner 後, 終於「改觀」-- 終於有間好坐又好食!
先0黎花旗參生魚燉湯, 飲完都唔覺係花旗參, 不過又生魚又大舊豬肉又大量金華火腿, 味道濃厚又鮮甜, 幾好飲.
小食 #1 椒鹽豆腐, 奉上0急汁及淮鹽: 熱辣脆口, 不過無乜「肉地」, 似食緊椒鹽「粒狀炸腐皮」多 d.
小食 #2 鹵水豬仔腳: 原來係熱食的, 又嫩又軟熟, 阿媽覺得鹹, 我就覺得唔夠味, 味道亦似「鹽水」多過「鹵水」, 麻麻0地鍾意.
燒乳豬 (半隻): 呢度「名物」, 果然好好食 -- 薄皮極香脆, 無油, 配上味道勁似腸粉甜醬的乳豬醬, 食唔停口! 肉亦並非「豬頭骨」貨色, 頗有肉汁又唔會硬, 意想不到. 好好食的一隻豬, 值得試試.
花雕蛋白蒸大白蜆: 大蜆隻隻鮮甜, 不過稍韌; 蛋白滑溜得似雙皮奶, 食落帶蜆汁的清甜, 亦有淡淡酒香, 幾好食.
三色蛋蝦乾浸莧菜: 莧菜夠腍身, 湯亦鮮味, 不過呢碟比想像中鹹, 仲諗住叫0黎清清味蕾 tim @_@"
蒜香粉絲中蝦煲: 勁大煲, 入面有 10 幾隻蝦, 成煲0野都好香蒜味, 味道帶甜; 煎過的中蝦隻隻爽口彈牙惹味, 不過最好食當然係 d 粉絲, 煙煙韌韌, 索滿蝦汁蒜汁, 勁正!
白飯唔係特別出色, 但唔講唔得, 因為實在好大, 兩 "tub" 份量夠 4-5 人食, 大家 order 的話要留意.
食物好, 環境亦頗靚裝, 雖然無卡位坐, 冷氣又有 d 大, 不過同場唔少人打邊爐, 都可以理解的; 店員們有禮貌又有永必應, 招呼亦不錯.
連加一每人約 $165,各方面都令人滿意, 抵食. 想舒舒服服食小菜, 又唔想去酒樓的, 呢度係不錯的選擇.
张贴
