影片
更多
2021-06-06
568 浏览
星期六下午成個yoho mall 嘅食肆都人山人海，見呢間坐得幾舒服，以為係因為位置偏僻，所以先冇人食，點知原來冇人食係有原因！😡食物質素一般都已經唔係重點，d職員嘅態度真係差到一個點！🤬🤬唔知嘅以為自己去緊政府飯堂乞食！我同朋友企左喺門口5分鐘，旁邊兩位職員可以全程睇文件睇單，我哋好似隱形咁，或者佢哋習慣咗人來人往，個個經過佢門口就走，唔習慣有人入佢舖頭食嘢。🙄就當你忙，唔緊要，我自己探熱自己入去搵位坐囉。一探完熱，兩位職員終於有反應，其中一位好似popo 上身咁，用支筆指住我地話：「掃左安心出行未」😧d態度令我以為自己係小學生比老師捉住問我交左功課未呀！😅我去茶餐廳人哋個阿姐都有禮貌過佢哋囉！到食完諗住同朋友再傾多陣，有個職員就行埋黎黑住口面講：「唔好意思，唔該你地埋左張單先。」收完錢行埋黎找錢一句都唔講，就咁放低喺張枱行左去😦😦我以為阻住佢地休息，但當時530pm, 全場加埋我有4枱，其中1枱仲係啱啱坐低。咁諗住同朋友坐多陣先啦，到630pm 另一個職員又同我地講：「唔好意思，張枱有人book 左。」我即刻望下周圍，仍然得我哋4枱，又冇人等位，我竟然咁好彩遇正一個專book 我呢
食物質素一般都已經唔係重點，d職員嘅態度真係差到一個點！🤬🤬唔知嘅以為自己去緊政府飯堂乞食！我同朋友企左喺門口5分鐘，旁邊兩位職員可以全程睇文件睇單，我哋好似隱形咁，或者佢哋習慣咗人來人往，個個經過佢門口就走，唔習慣有人入佢舖頭食嘢。🙄就當你忙，唔緊要，我自己探熱自己入去搵位坐囉。一探完熱，兩位職員終於有反應，其中一位好似popo 上身咁，用支筆指住我地話：「掃左安心出行未」😧d態度令我以為自己係小學生比老師捉住問我交左功課未呀！😅我去茶餐廳人哋個阿姐都有禮貌過佢哋囉！
到食完諗住同朋友再傾多陣，有個職員就行埋黎黑住口面講：「唔好意思，唔該你地埋左張單先。」收完錢行埋黎找錢一句都唔講，就咁放低喺張枱行左去😦😦我以為阻住佢地休息，但當時530pm, 全場加埋我有4枱，其中1枱仲係啱啱坐低。咁諗住同朋友坐多陣先啦，到630pm 另一個職員又同我地講：「唔好意思，張枱有人book 左。」我即刻望下周圍，仍然得我哋4枱，又冇人等位，我竟然咁好彩遇正一個專book 我呢張枱嘅客？😲
我同朋友415pm 入場，一人一個tea set，食完冇再麻煩過任何一個職員，連收嘢fill 水都冇叫過佢地，如果佢哋多客等位，又或者阻住佢地中場休息，絕對係我哋晤啱。但揀得黎yoho 食嘢，多數都係想同朋友坐得舒服d，傾吓計架啦。如果佢哋expect 客人只可留2小時，唔該佢哋仿效對面天丼咁，寫明「每人用餐限45分鐘」，而唔好用d咁惡劣嘅態度去表達呢個信息呀！
去呢度食飯真係比錢買難受！如果想挑戰下自己嘅忍耐力同EQ，咁你一定要去呢度食飯啦！
张贴