好好運快餐店 (已結業)

呢間位於荔枝角青山道538號半島大廈地下3號舖，店名好好運快餐店，呢間店聞名已久，終於揾到店舖位置，點解甘講呢，因為店舖都幾隱閉下，原來在半島大廈停車場內，餐廳不算大，我覺得主打沙爹牛肉麵或飯，價錢都是一搬茶餐廳價錢，今日就試左佢著名嘅沙爹牛肉麵及沙爹牛肉飯，沙爹牛肉麵重可以揀多兩個餸，我揀左紅腸、午餐肉，沙爹牛肉飯會跟多兩隻太陽蛋，包凍或熱飲品，算幾抵，見到隔離枱食咖喱吉列豬扒飯，好似都好好味，下次一定要試下。