幸福班戟 (已結業)

開張到家都係長期人龍店，下午兩點去到唸住踫下運氣希望唔好太多人，現場目測廿幾人左右，預計排90分鐘，點知好好彩排左45分鐘就已經到我，但因朋友未到所以未入得(店舖規定要人齊先可以入)聽現場保安講話今日人龍去得比較快，正常二十人以上都要排90分鐘左右，因pancake即點即做已經要20分鐘，所以最快都要45分鐘先翻到一張枱，pancake質素個人覺得可以做到日本70%，主要係無日本咁香，或者係雞蛋問題，應該唔係用日本蛋，鬆軟度一樣做得好好，而我點鮮果pancake鮮果就無喺日本食咁清甜，但整體係ok好味道，食完係完全有幸福感覺😂