荳子 (海壩街) (已結業)

同朋友係荃灣食完飯，想繼續蜜蜜傾就搵間甜品店坐低，其實都想試beans好耐，次次行過，無論咩時間都好長龍，見到無甘長龍就去試下。我地叫左2個梳乎里、2個窩夫，先黎2個窩夫先，一個綠茶、一個朱古力，隊長會偏好綠茶果個，因為有d紅豆墊底，無甘單調，但2個窩夫size就細左d，食到有d到喉唔到肺（可能就係甘要你叫多個）至於2個梳乎里，製作需時，所以壓軸登場，我地叫左一個香草、一個綠茶，綠茶果個係有點失望，因為食落好苦，綠茶粉好似重手左，反而平平無奇既香草相對上會好味d。整體黎講，甜品唔差，不過要好似之前排隊排好耐先有得食，我無甘既能耐。