一寿司 (已結業)

食開一壽司既都知有黑夜壽司六折時段，要9點半至10點先有，而家逢星期一至四6點半開始，終於唔使等到頸到長埋挨住肚餓提早有得食。有折梗係必叫海膽同龍蝦沙律軍艦啦~ 海膽幾新鮮，龍蝦沙律完全滿瀉咁制，都好彈牙。生蝦，帆立貝，三文魚刺身另外必叫，刺身雖然冇雪味，但解凍時間不足，有啲冰凍。花之卷唔錯，蟹子粒粒脆卜卜，非常鮮甜，仲多過啲壽司飯。汁燒三文魚腩熟度拿捏岩岩好，保持其嫩滑。鰻魚脂肪分佈平均，食落陣陣醬汁油香，鰻魚亦夠厚。泰式蝦壽司非常滋味，配上青檸，金不換香料調出蝦刺身鮮甜。芝士年糕煙煙韌韌，微甜亦帶有陣陣芝士香味。炸芝士外脆內芝士流心，熱辣辣時食芝士更濃郁。鐵板牛柳粒成碟都好好味，冇折都要叫🙊牛柳粒軟滑無比，亦冇多餘肥膏，連配角蒜子都出色，炒得腍，索哂牛柳醬汁，惹味十足。