影片
更多
2021-01-03
132 浏览
食台灣古早味蛋糕梗係要食正宗口味，試過好多間自稱古早味蛋糕都唔係咁滿意，直至朋友介紹呢間位於深水埗嘅小店「囍源古早蛋糕」雖然對我來講深水埗真係幾遠下，不過由地鐵站行過嚟都係3分鐘左右，所以都唔會令我迷路。我諗「囍源」稱得上係全香港擁有最多口味嘅古早味蛋糕，有50款以上，真係好誇張。但係每一日就會有幾款唔同口味嘅推出，通常係兩點前就會出晒爐，因為以低溫烘焙，每款口味只會出12 件左右，賣完就冇，為咗避免白行一趟，客人亦可打電話嚟，同時預訂自己喜歡嘅口味，我覺得咁樣係最正，唔會嚟到先至知冇我自己想食嘅味道，好灰囉！一場嚟到就買咗兩盒返屋企，鹹味、甜美各一款，一拎起蛋糕就覺得兩盒蛋糕超級墜手，份量十足。紅豆味古早蛋糕；肉鬆古早蛋糕當晚即刻試咗 「肉鬆古早蛋糕」一打開個盒已經聞到香味，看着紮實嘅蛋糕，唔係店主講我都唔知原來可以做到真正黃金邊、黃金底真係唔易，坊間好多做法都唔正宗。我急不及待切咗¼試吓，沒有用微波爐翻叮嘅情況下，口感相當棉密，細滑；保持濕潤度，口感富彈性，真材實料雞蛋香味十足，直頭好似食緊玉子燒一樣，鹹味肉鬆可以突出蛋糕嘅味道，一鹹一甜味道好夾，超正。另一個令到我食到唔想停嘅原因
雖然對我來講深水埗真係幾遠下，不過由地鐵站行過嚟都係3分鐘左右，所以都唔會令我迷路。
我諗「囍源」稱得上係全香港擁有最多口味嘅古早味蛋糕，有50款以上，真係好誇張。但係每一日就會有幾款唔同口味嘅推出，通常係兩點前就會出晒爐，因為以低溫烘焙，每款口味只會出12 件左
右，賣完就冇，為咗避免白行一趟，客人亦可打電話嚟，同時預訂自己喜歡嘅口味，我覺得咁樣係最正，唔會嚟
到先至知冇我自己想食嘅味道，好灰囉！
一場嚟到就買咗兩盒返屋企，鹹味、甜美各一款，一拎起蛋糕就覺得兩盒蛋糕超級墜手，份量十足。
紅豆味古早蛋糕；肉鬆古早蛋糕
當晚即刻試咗 「肉鬆古早蛋糕」
一打開個盒已經聞到香味，看着紮實嘅蛋糕，唔係店主講我都唔知原來可以做到真正黃金邊、黃金底真係唔易，坊間好多做法都唔正宗。
我急不及待切咗¼試吓，沒有用微波爐翻叮嘅情況下，口感相當棉密，細滑；保持濕潤度，口感富彈性，真材實料雞蛋香味十足，直頭好似食緊玉子燒一樣，鹹味肉鬆可以突出蛋糕嘅味道，一鹹一甜味道好夾，超正。
另一個令到我食到唔想停嘅原因，就係蛋糕用咗小油，小糖配方，食多幾件都唔怕膩。
第二朝早上再試埋「紅豆味古早蛋糕」做早餐，將佢返熱20秒。
蛋糕嘅質感仍然不變，依然棉密富彈性，
微波爐叮過後亦唔會變乾，依然濕潤可口，
紅豆蓉夾係蛋糕中間，餡嘅份量唔係太多，我希望餡可以再多啲，味道會變得更加豐富。
店主好好人，只要大家有興趣可以show 比店員睇我個post即刻減$5
而且又可以儲印仔，半年內儲夠12個印仔就可以送一個原味古早味蛋糕，正呀喂！
张贴
