影片
更多
2009-04-24
19 浏览
呢日同工友都放假，難得的日子當然不會浪費，除了買左飛睇3D電影之外，lunch我地決定要到想來幾年的蓮香﹗路盲好聰明的找到地點﹗由於去到都已經2:30pm，人流算多卻未滿，待應阿叔幫手下好容易便找到地方搭枱﹗唔識開茶，先來了個茶壺真係大殺風景，飲左兩杯之下同待應阿哥講我都係要番個茶盅玩下得唔得？佢老哥笑笑口無黑面地又幫我整番個來玩，服務態度很不錯喎﹗傳統的推車賣點心，阿姐一路推車一路叫有咩食，先來一碟山竹牛肉，工友話係男人都鍾意山竹牛因為大大啖又無骨，呢度的很香咬落有質感，不會太多發粉一陣怪味，最緊要唔係油淋淋很爽，好味﹗再來一籠叉燒包，一籠兩個一人一個就最岩，搣開入面好多叉燒，半肥瘦的份量勻稱，包身香甜鬆軟，很不錯﹗而家好多酒樓食到的叉包係得叉燒醬，真係食到都想掉左佢﹗及後就係0係度玩茶盅，第一次玩當然不停失手，倒到成枱都係茶，也覺有趣﹗用茶盅飲茶味道夠哂濃郁和味，怪不得人人都用﹗蝦餃味道是傳統口味，餃皮煙韌而黐牙很有兒時吃點心的感覺，蝦都幾彈牙大隻，味道不錯﹗最後見個個都食飯我又唔執輸要番個燒肉飯﹗白飯上蓋滿脆皮燒肉，肉皮未算化卻香脆，半肥半瘦交織出軟綿綿的口感，只要不怕肥，是很香
路盲好聰明的找到地點﹗由於去到都已經2:30pm，人流算多卻未滿，待應阿叔幫手下好容易便找到地方搭枱﹗
唔識開茶，先來了個茶壺真係大殺風景，飲左兩杯之下同待應阿哥講我都係要番個茶盅玩下得唔得？佢老哥笑笑口無黑面地又幫我整番個來玩，服務態度很不錯喎﹗
傳統的推車賣點心，阿姐一路推車一路叫有咩食，先來一碟山竹牛肉，工友話係男人都鍾意山竹牛因為大大啖又無骨，呢度的很香咬落有質感，不會太多發粉一陣怪味，最緊要唔係油淋淋很爽，好味﹗
再來一籠叉燒包，一籠兩個一人一個就最岩，搣開入面好多叉燒，半肥瘦的份量勻稱，包身香甜鬆軟，很不錯﹗而家好多酒樓食到的叉包係得叉燒醬，真係食到都想掉左佢﹗
及後就係0係度玩茶盅，第一次玩當然不停失手，倒到成枱都係茶，也覺有趣﹗用茶盅飲茶味道夠哂濃郁和味，怪不得人人都用﹗
蝦餃味道是傳統口味，餃皮煙韌而黐牙很有兒時吃點心的感覺，蝦都幾彈牙大隻，味道不錯﹗
最後見個個都食飯我又唔執輸要番個燒肉飯﹗白飯上蓋滿脆皮燒肉，肉皮未算化卻香脆，半肥半瘦交織出軟綿綿的口感，只要不怕肥，是很香口好味的﹗
食客連續不斷，如此有特色的老茶樓在香港所餘無幾，價錢很實際兩個人都係$90﹗
只要不是繁忙時間來，要品嚐箇中滋味不難呢﹗
张贴
