快樂小羊火鍋餐廳

营业中

休息中

想食火鍋又想食羊肉，我地就去咗食快樂小羊。餐廳裝修佈置以簡約為主，帶點蒙古氣息，有羊群及草原嘅壁畫。枱同枱之間空間感十足，唔會好逼，安排好好，始終而家座位之間嘅安全距離都好講究。湯底唔係有好多選擇，我地要咗番茄同麻辣，本來見麻辣顏色都好紅，以為會好辣，但係食落就香多過辣，呢個辣度對我哋來講就好適合喇。出名食羊肉就梗係會點啦，要了2款，都好大盤。塔拉上的快樂卷切到好薄，略略一淥就已經可以食。肉質好腍唔會老，又唔使咀嚼好耐，質素好好。羔羊肋卷肉質比較瘦，唔會有太多脂肪，羊肉味幾濃，都係好好味。