肚餓了串燒烤焗專門店 (已結業)

萬眾期待的晚巿禁食令取消，令一眾食家欣喜若狂！我當然唔執輸，即刻拉埋愛人一齊去食好西！今次揀咗一間位於尖沙咀嘅串燒店，因為我地兩個一向都鍾意食香口嘢，張嘴封禁咗咁耐，大肆放縱一番也不為過！餐廳位於6樓，裏面以黑色牆身及大量酒樽為裝璜主題。最重要呢間係一間黃店餐廳，而且自家製嘅手工啤酒外形特別，當然要支持！枱面上有鹽、孜然粉、辣椒粉等，個人覺得所有食物都刻意製作得不太咸，客人可因自己口味配搭調味粉。鹽燒牛舌，一串五件，好厚身大粒，外邊燒得香脆，咬落十分Juicy！蒜蓉茄子，份量十足，茄子上邊舖滿蒜蓉，啱晒蒜蓉控嘅我地！肉質香嫰可口，而茄子皮亦沒有燒焦，茄味十足，就是稍嫌油份太多。汁燒原隻魷魚，一碟兩隻，燒汁很惹味，魷魚燒得很彈牙，不會稔口。冬陰功翡翠螺，螺肉十分大隻，肉身索晒冬陰功湯汁，辣得十分過癮，肉質亦相當煙韌。總括來說，食物質素高，價錢相宜，CP值十足。啱晒三五知己嚟飲住手工啤酒吹水打發時間。