麻辣風雲 (已結業)

哈哈，有晚市終於可以一家人出嚟食飯啦！今日去到麻辣風雲諗住嘗試一下川菜。畢竟我哋一家人都食得幾辣但係好少食川菜餐廳。首先有兩道菜係必點嘅，第一道菜就係酸菜魚。啲魚肉好夠滑，份量亦都好多性價比一流！魚肉嘅口感非常紮實，經過熬製之後都唔會煮到散晒。加埋酸酸辣辣嘅味道擁晒出嚟簡直就係令到我哋食得非常滋味。第二道菜就係水煮牛肩肉，望落去係超級紅卜卜。牛肩肉厚薄適中，肉質嫩滑。當中有大量嘅辣椒、蓮藕片、菇、芽菜、豆卜同埋木耳做配料。食到最後發現原來個底仲有大量嘅木薯粉。薯粉晶瑩剔透煙煙韌韌吸晒水珠嘅立美非常正！另外我哋仲嗌左兩度小菜分別就係酸菜炒肥腸同火爆魷魚鬚。我覺得肥腸嘅味道非常正，完全冇臭味。魷魚鬚一樣都係處理得幾好非常有咬口。