Cinnabon (奧海城2期) (已結業)

呢間Cinnabon 聽就聽得多，開果陣d人講，跟住聽d人要排隊。前幾日終於去奧海城試下呢個玉桂卷。我諗如果唔係因為疫情，排隊既人應該唔止咁少掛。排左唔洗十分鐘，玉桂卷就到手。玉桂卷望落好似好甜，而我印象中，呢種食物都真係甜到漏，食過有d直頭係甜到拿喉。不過見到佢咁大個，中間又咁多玉桂糖餡，加上面頭既sauce又真係覺得幾吸引。我地兩個人試左個Classic normal size，share食就岩岩好。外面果兩圈，比較少玉桂糖，加埋個sauce感覺唔錯。包既質地幾好，夠鬆軟唔會好dry。食下食下食到入面果層，唔太好甜既人就可能頂唔住。入面個心既位，玉桂好濃好香，甜度都係出面果圈既幾倍，食完果下係幾滿足，只係之後就滯左半日。見佢地仲有咖啡同其他飲品，玉桂卷就仲有其他款同mini size。鐘意玉桂同甜既包點既人，值得一試。