辛安東元祖奶奶雞 (已結業)

講咗好耐，終於再有機會食安東奶奶雞解相思之苦。見到唔少新菜式，我只要求招牌奶奶雞，其他交由朋友發板。前菜係parma ham salad，比較西式嘅預咗冇乜特別。燒豬肋骨燒到金黃色賣相好正，食落燶燶地有啲似叉燒。野人韓牛好有驚喜！本身未食過生牛肉都驚驚地，但入口原來完全唔覺生，仲非常鮮嫩。鐵板炸雞份量都幾多，配上忌廉喺面，甜甜地又幾得意。壓軸係賣飛佛，薯粉真係入味到食幾多次都唔厭，不過雞嘅份量比之前少咗啲。飲品都係新餐牌嘅野，韓國七喜可以溝菠蘿，不過不失啦。