喜來稀肉 (金巴利道)

真係好耐冇出街食飯，呢幾個月個個都人心惶惶，最近終於可以放鬆少少，哩係屋企成日睇韓劇，一於第一餐出街食就同老公出去拍下拖食韓燒先！
出咗去尖沙咀順便行街，再去金巴利街既喜來稀肉，二話不說即刻點返個護心肉同埋五花肉食下先，老公話仲想試吓佢嘅五花肉配特製醬汁，燒酒溝啤酒係我同老公嘅最愛，正呀！
五花肉配特製醬汁甜甜地，幾好食，不過，護心肉同原味嘅五花肉都係我同老公嘅首選，點少少醬已經可以好好食，每人嗌多個飯，已經夠晒飽，不過，太掛住個仔，食得匆匆忙忙，一於決定下星期同阿妹再去食多次！