魔膳廚房 (已結業)

之前講咗好耐想試試呢間魔膳廚房嘅晚餐，但始終冇約到！（因為睇到d相野食好似好味！）最後終於來到試食午餐了。睇睇店內環境先，都幾寬倘，坐得幾舒服！table setting 就係咗啦！正正常常。我地去果日係星期三所以睇左手邊嘅餐牌！我同朋友都叫咗香煎美國西冷8oz 配薯菜黑椒汁登登！上枱已經勁香，我叫咗5成熟！我通常都習慣食5成！牛扒都醃得幾好，幾入味。（今次冇影入面5成煎成點）我食落都真係剛剛好5成架！而且佢d 薯角炸到好脆，要讚下！再睇睇，其實都幾健康中間都幾多蔬菜，不過個人唔太鐘意食果2條「粟米仔」另外個黑椒汁都唔錯，好黑椒，個人覺得有少少偏辣，所以冇咩點點個汁，好味嘅其實！不過我都係比較鐘意唔點汁食牛扒。