影片
更多
2015-06-21
799 浏览
好姐妹J姐岩岩係法國醫院生左一對龍鳳胎，所以我同另外2個朋友去醫院探下佢兼恭喜下佢啦，探完J姐同佢對超得意孖B後，我地一行三人就去左醫院對面嘅日本餐廳醫肚。正所謂3個女人一個墟，我地想搵間食店可以慢慢食下嘢兼傾下計，呢度嘅環境好舒適，地方好乾淨，所以正合我地心意，我地3個減肥中嘅人食唔到太多野，所以叫咗幾樣野share 下！帆立貝日月卷帆立貝一入口就知非常新鮮，又甜又彈牙，基本上唔需要點醬油都好夠鮮味。鹽燒牛舌串呢間小店既燒物同樣出色，牛舌好爽口，一啲騷味都冇，上面灑左少少鹽，再加少少檸檬汁，酸酸鹹鹹又有咬口，食完有種齒頰留香嘅感覺。青芥子雞肉丸棒雞肉棒口感幾好，真係啖啖肉，又燒得香口！不過雞肉丸棒上嘅芥末醬味道更濃會更好！櫻花蝦炸豆腐呢個餸本來我地冇點的，係見到隔離台有食客食緊，個樣好似好吸引，所以叫左一客試下！呢個絕對係驚喜之作，櫻花蝦細細隻，炸到好香脆，豆腐一咬落去更加唔駛講啦，又軟又滑，好重豆香味！我連醬汁都冇用！雖然係經過油炸，但係一啲油膩感都冇，非常岩我地呢幾個減緊肥嘅女生。鮮魚湯烏冬最後到我嘅至愛出場啦，我由細飲魚湯大，非常鍾意用魚湯煮嘅任何餸菜，呢碗烏冬嘅魚湯鮮甜而且味
正所謂3個女人一個墟，我地想搵間食店可以慢慢食下嘢兼傾下計，呢度嘅環境好舒適，地方好乾淨，所以正合我地心意，我地3個減肥中嘅人食唔到太多野，所以叫咗幾樣野share 下！
帆立貝日月卷
23 浏览
0 赞好
0 留言
帆立貝一入口就知非常新鮮，又甜又彈牙，基本上唔需要點醬油都好夠鮮味。
鹽燒牛舌串
17 浏览
0 赞好
0 留言
呢間小店既燒物同樣出色，牛舌好爽口，一啲騷味都冇，上面灑左少少鹽，再加少少檸檬汁，酸酸鹹鹹又有咬口，食完有種齒頰留香嘅感覺。
青芥子雞肉丸棒
30 浏览
0 赞好
0 留言
雞肉棒口感幾好，真係啖啖肉，又燒得香口！不過雞肉丸棒上嘅芥末醬味道更濃會更好！
櫻花蝦炸豆腐
29 浏览
0 赞好
0 留言
呢個餸本來我地冇點的，係見到隔離台有食客食緊，個樣好似好吸引，所以叫左一客試下！呢個絕對係驚喜之作，櫻花蝦細細隻，炸到好香脆，豆腐一咬落去更加唔駛講啦，又軟又滑，好重豆香味！我連醬汁都冇用！雖然係經過油炸，但係一啲油膩感都冇，非常岩我地呢幾個減緊肥嘅女生。
鮮魚湯烏冬
48 浏览
0 赞好
0 留言
最後到我嘅至愛出場啦，我由細飲魚湯大，非常鍾意用魚湯煮嘅任何餸菜，呢碗烏冬嘅魚湯鮮甜而且味濃，一飲就知落足料！烏冬又係彈牙到不得了，我足足食左兩碗，再飲埋個湯，滿足到爆。
綠茶雪糕
22 浏览
0 赞好
0 留言
最後送上綠茶雪糕，幫今晚劃上完滿嘅句號。
题外话/补充资料：
每人都係150蚊左右，可以享受到咁新鮮味美嘅日本精緻菜式係頂呱呱嘅享受。
(以上食记乃用户个人意见 , 并不代表OpenRice之观点。)
张贴
