友情歲月古惑仔漫畫主題冰室 (已結業)

❣️細細粒小公主走進友情歲月古惑仔漫畫主題冰室❣️今次同小公主嚟到尖沙咀嘅友情歲月古惑仔漫畫主題冰室💗呢間餐廳以電影《古惑仔》為主題，入面每個角落都滿佈《古惑仔》嘅影子！細緻到連餐牌食物嘅名都係用《古惑仔》嘅名黎命名！小公主最最最鍾意就係牆上面嗰幅立體畫真係好逼真😍不得不說你間餐廳真係超級有心思💗食物嘅選擇種類超級多之餘仲要樣樣都好有心思！特別係佢哋仲有精心條配cocktail同mocktail好睇又好味😋今次我哋揀咗蔣天生炒骨！每一粒排骨都被酸甜醬汁滿滿包圍着！就連菠蘿都係用新鮮嘅菠蘿🍍超級鮮甜仲唔會有渣添！d排骨炸到外面爽脆裏面啲肉質鮮甜冇雪味！我同小公主都超級鍾意佢哋嘅醬汁酸酸甜甜好好味👍🏻小公主就揀咗櫻花蝦蒸日本水卵！櫻花蝦嘅份量十足！滿滿放晒喺蒸雞蛋上面！水蛋嫩滑啱啱好，每一啖都口感豐富！非常滿足😍飲品我揀咗原青男（香蕉蘋果賓治）大大杯好抵飲！飲落去有少少似沙冰💗仲有好清甜嘅香蕉🍌蘋果味！小公主就揀咗雜果韓賓！裏面有超多果肉可以食😆呢間餐廳每一個角落都係打卡位📸嚟到呢度除咗可以食到超高水準嘅小菜之外仲係食緊我哋滿滿嘅童年回憶🥰