茶屋町 (長沙灣道) (已結業)

星期六一心來食哈蜜瓜set,點知個set要1500~1800先有，失望😅不過既然黎到，就決定試下，裝修以簡單為主，播住日文歌，唔會太嘈，都幾舒服，不過位就唔多。。。另外，d員工都幾新手，我直接係餐單上畫要叫嘅野食，點知轉頭職員拎住張吉嘅餐單黎，問我叫邊樣野食。。。究竟係佢掉調左我同其他枱嘅單，定佢未落單就擦左我叫嘅野食呢🤔，答完，之後，個職員又拎返張單黎又問一次😐。。。終於成功叫左2個定食，一個吉列芝士黑豚，一個明太子意粉， 麵豉湯有豆pop，豆腐，海帶，好飲啊，唔同其他麵豉湯，冇咁膩，我鍾意啊…點知一食豆腐，竟然有燶味。。。定食呢，定食有海帶，玉子，日本番薯為配菜，明太子定食仲配有三文魚，綠茶糯米糍。。。明太子意粉幾好食，三文魚ok，番薯夠淋，糯米糍煙韌，整體不錯。。。吉列芝士黑豚，一上枱，塊豚肉黑黑地，一睇就知係overcook。。。一食，好硬，豚肉入面嘅芝士並唔係拉絲狀，而係似cream咁。。。唔太似芝士嘅感覺。。。咁嘅感覺，究竟下次我黎唔黎試哈蜜瓜set好呢🤔。。。排隊係為左食好味嘅東西，排之前真要細想細想