Sushi Men x Oyster Men (已結業)

中秋假期的最後一日，太太要返工，我帶兩個女出去東大街食lunch, 喺街頭見到有位就拍車🚘埋一邊，見到有一間日式小店，剛好有位可望到架車。就試下呢間小店。小小的店舖，只有10多個座位，兩個20多歲的青年人主理。大囡見餐牌有生蠔就雙眼發光，問了當日只有3款蠔🦪，細囡唔食，我哋order了2款法國蠔共4隻。$26隻，十分新鮮，肉質較爽口。北海魚生丼：材料豐富十分新鮮，附餐上的三文魚麵豉湯及海蜇都10分出色。三文魚🍣盛宴：呢個十分抵食，只是$60，好肥美。特上壽司拼盤：正😋小店地方不大，但舒服自在，只有一名員工在廚房，每樣出品都即時製作，需要耐心等候，所以每一樣食物大約需時15-20分鐘左右，才上枱。適合休閒的假期來用餐。