影片
更多
2007-10-13
6 浏览
小弟摯愛嘅西餐廳，終於衝出宜昌街，响人流更旺嘅knusford terrace進駐....一收到呢個消息，馬上打電話訂枱...地點一樣方便，响da dolce嗰度沿樓梯直上就見到...地方大咗，侍應多咗，客又多咗...望吓menu，有些少轉變，"大菜"多咗，以前自己最愛嘅ciabetta系列反而不見了，希望可能因呢個係dinner menu所以冇出現la，揾次去食lunch就知係唔係真係唔見嘞....先嚟兩杯non-alcoholic drinks。太座嘅Marble smoothies以前飲過，朱古力味唔夠濃，麻麻哋；自己叫嘅organic honey fruit mixer味道好古怪，有D似飲藥水，可能自己飲唔慣嗰D幾樣果汁溝埋一齊嘅drinks啩...一人一個appetizer。太座嘅crab cake屬一流水準，啖啖都係蟹肉，外層煎得微脆，墊底嘅grapefruit sauce嘅清爽，减輕了crab cake本身油膩感，出色；自已嘅foie gras反而令人失望--- 表層煎得唔夠香脆，最弊嘅係食落有D微苦，亦有少許"根"，太太呢個"肥肝"專家食到大搖其頭...main dis
一收到呢個消息，馬上打電話訂枱...
地點一樣方便，响da dolce嗰度沿樓梯直上就見到...
地方大咗，侍應多咗，客又多咗...
望吓menu，有些少轉變，"大菜"多咗，以前自己最愛嘅ciabetta系列反而不見了，希望可能因呢個係dinner menu所以冇出現la，揾次去食lunch就知係唔係真係唔見嘞....
先嚟兩杯non-alcoholic drinks。太座嘅Marble smoothies以前飲過，朱古力味唔夠濃，麻麻哋；自己叫嘅organic honey fruit mixer味道好古怪，有D似飲藥水，可能自己飲唔慣嗰D幾樣果汁溝埋一齊嘅drinks啩...
一人一個appetizer。太座嘅crab cake屬一流水準，啖啖都係蟹肉，外層煎得微脆，墊底嘅grapefruit sauce嘅清爽，减輕了crab cake本身油膩感，出色；自已嘅foie gras反而令人失望--- 表層煎得唔夠香脆，最弊嘅係食落有D微苦，亦有少許"根"，太太呢個"肥肝"專家食到大搖其頭...
main dish嘅選擇比以前多。今次嚟當然係試新嘢la..organic spaghetti with white wine blue mussels相當不錯--- spaghetti係相當地al dente，口感一流，淥嘅時候啱啱好；blue mussels細細隻，非常肥美，有D creamy嘅口感，酒味不過份地濃，剛好...
太座嘅煎焗鴨胸伴野菌鴨肉醬卷也不賴。鴨胸火喉控制得宜，肉帶點微紅，不過熟；皮煎得微脆，食得過癮，醮上特製嘅醋粟(red currant)moussline，口感更滑；鴨肉醬卷嘅酥皮極香牛油味，皮極薄且夠crispy，出色...
價錢比舊鋪當然係貴D，始終呢度嘅舖租跟宜昌街可謂差一大截。但每碟嘅件頭卻係比以前大，且水準普遍依舊出色....
依然係小弟响TST食西餐嘅首幾位之選...
张贴
