豫園 (已搬遷) 新店位置

好耐無食上海菜，今次相約朋友係銅鑼灣呢間高層嘅上海菜餐廳食晚飯。雖然平時好鐘意食西餐、日本菜，但中菜始終係我嘅comfort food～首先點左幾個冷盤小食，必食花雕系列啦，我地嗌左紹興醉雞和糟香醉豬手！豬手偏腍，所以筋位都勁易咬。另外仲有無錫脆鱔好脆好香口，好鐘意！舟山海蜇頭好爽，夠大塊口感幾好！肉揀左豬全骨，一人一個唔洗爭，調味剛剛好，肉幾嫩仲有招牌嘅龍鬚鮮魚絲，魚一絲絲好滑，加上幾爽口嘅芽菜，增加口感！食上海菜不少得嘅小籠包，都幾飽滿～仲有小炒，炒年糕都係我會點嘅item～喜歡煙韌嘅口感！最後主食再點一個—砂鍋咸肉炒飯，飯粒粒分明好爽身，咸肉比例來得恰好。女生們飯後要來點甜的，選擇都好多，有豆沙鍋餅，外脆內裡紅豆餡都幾多。酒釀丸子幾驚喜，丸子好軟糯～擂沙湯圓芝麻餡無得輸！