享樂烘焙

营业中

休息中

之前晏奏去仲有好多包未出炉，次次lunchtime去都揾唔到紫薯麻薯包，今晚7点85折优惠时去终于有！原价hkd 12/1，22/2都算抵，折完仲平。见好多人食，对佢期待都几大。个包细细地软软地，望上去都几可爱，上面洒左d紫薯粉，颜色好靓，外表几吸引。至于味道...反而普普通通。面包体同普通嘅餐包一样，入面嘅紫薯连皮，所以我唔系几分到究竟系薯蓉定系原条紫薯（个人偏向原条，因为味道自然，唔会死甜）。麻薯拉丝滑溜，有韧性有咬口，奶味几香，可惜个人认为甜得济，连埋本身已经够甜嘅面包同紫薯就甜上加甜。整体而言味道普通，相比之下A1嘅番薯包反而更好味。不过呢款包胜在价钱够平，搭配够新鲜，料足。紫薯控麻薯控应该会觉得唔错，可以一试但不值得回购。