詩餅坊

营业中

休息中

香港有水準的小餅店越來越多，當中我始終鐘情這一間，可惜我住得不太近，而它亦一直堅持唔開分店是次家人晚飯難得選址堅尼地城，所以飯前就先到了小店買蛋糕，順道慶祝家人生日多年前已經香港未興起紫薯時，此店可謂紫薯甜品的始祖，掀起靚靚的紫色甜品風潮所以我其實早於三、四年前已幫襯過它的紫薯蛋糕。今次想試下有冇其他新口味，不過我地比較遲，約六點幾先到，結果都只係有紫薯😂招牌蛋糕換了新裝，外觀上個人認為比之前的清雅，更加附合詩餅坊的形象Style買了之後店主即刻加上兩隻栩栩如生的彩色蝴蝶朱古力，仲要係可食用的！家中的小朋友極之喜歡！生日牌亦有心思地同樣配上紫色切開蛋糕，就知道真係百分之百新鮮製造的。紫薯不太甜又十分濕潤，好似食緊啖啖新鮮紫薯一樣；配合鮮忌廉更加出色，食得出店家對食材的認真；中間夾住的是普通海綿蛋糕，但平凡中更見技術，蛋糕係極之鬆軟綿密！我地雖然正餐已經吃到捧住肚皮，但如此出色的蛋糕當然都係吃清光好開心知道小店依舊保持水準，下次希望可以試到招牌紫薯以外的口味啦！