阿杏飯團 (東海商業中心)

营业中

休息中

經過見到尖東新開左一間飯團，感覺係日式裝修，行近原來係台灣食品同手搖飲品。員工介紹左指定飯團配指定飲品有85折優惠，我就揀左店舖推薦嘅芝士雞扒飯團，飲品本來想試奶茶類，點知今日無奶茶供應，店員就推介茉莉毛尖，少甜。我係外賣拎走，好快就有得拎啦，佢哋外賣紙袋好靚好少女，飯團包裝紙同紙袋設計係對應嘅，有心思設計，佢哋飲筒係用環保紙飲筒。回公司路程不遠，返到去飯團都係熱嘅，飯團有點油，包裝紙都吸到有點透，有點驚喜飯團用紫米做，咬落唔太硬且有點黏性，同我平時食嘅紫米有點唔同，中間有菜，雞扒，少量肉鬆，都食到有芝士的，總括味道都好，值得一試。飲品茉莉毛尖係好推介，會建議少甜，因為少甜都有甜味，有清香茉莉味，清甜可口。